It's raining... euros

Cousas que ocorren.

Hai mesmamente un par de semanas en VilaInferno escoitábanse cousas como: "Deus non existe"..."Isto é unha maldición"... "Estamos malditos"... bla,bla e máis bla. O sábado pola noite, a casualidade e a primitiva deixaron 2.838.000 millóns de euros en Cée.

Entón de súpeto a cousa cambia e moito; xa comecei a escoitar pola rúa cousas como: "Deus existe"... "Isto é unha bendición"... "Somos afortunados"... bla, bla e máis bla.

A xente é estúpida. Abúrreme toda esa merda de que despois dunha desgracia chega unha bendición... Todas esas estupideces de que onde ocorre unha tradexia seguro que toca a lotería... e demais gilipolleces.

O que ocorre, é que o que aconteceu o sábado, desmonta a miña teoría de que non teñen nada que ver as tradexias e a fortuna. ¿Quén lle discute agora aos viciños de Vilainferno que aquí non vai tocar o Gordo de Nadal? De feito, hai semanas que non hai un só décimo do sorteo de Nadal en toda a vila. Xente de todos os puntos da xeografía achegouse ata aquí para mercar décimos e máis décimos de lotería. Como se esta vila estivera bendecida. Supoño que algún incluso foi restregar o seu décimo polo monte queimado ou polas praias onde aínda queda chapapote, ou polos rios que atravesan esta vila e que se desbordan cando chove moito, como se dun chepudo se tratase.

Cousas que ocorren.

Se en todos os lugares do mundo onde ocorren tradexias tivera que tocar a lotería, en sitios como Palestina, Sudán ou Colombia (por nomear algúns) tiñan que estar forrados.... se tivesen xogos de lotería, que descoñezo se teñen.

Non sei que pensar de todo isto. Que cada quen pense o que queira e actue en consecuencia.

Eu seguirei traballando (pois non fun eu o afortunado) e pensando que tal vez sería mellor que non navegasen máis Prestiges por estas costas, ou que ningún pirómano pasease polos montes ou que alguén con cabeza deseñara un bó plan urbanístico para esta vila. Deste xeito todos seríamos afortunados igualmente sen gastar un euro en loterías.